Lerum Cup nærmar seg fullteikna!
Det er framleis nokre få ledige plassar att i årets Lerum Cup. Per i dag manglar det om lag 30 lag før cupen er fullteikna, og arrangøren håpar å nå dette målet før påske. Lag som vurderer deltaking blir difor oppmoda til å melde seg på så snart som mogleg.
Me ønskjer alle lag velkomne til ei flott cupoppleving i vakre Sogndal og Sogn! Under cuphelga blir det også mykje spennande rundt arrangementet. Det vert OBOS-kamp på Fosshaugane Campus, og Noreg spelar VM-kamp mot Frankrike, noko som gir ei ekstra kjekk ramme rundt cupen.
Me vil samstundes informere om at det førebels er meldt på få lag i klassen J14. Dersom det er utfordringar med å stille reint J14-lag, oppmodar me dykk om å ta kontakt med arrangøren for dialog.
Spørsmål om J14-klassen kan sendast til lerumcup@sogndalfotball.no.
Me gler oss til å ønskje dykk velkomne til Lerum Cup 2026!